¹ ¶ Yumi bai tok nau long tumbuna papa bilong yumi Ebraham, long sait bilong bodi, i bin painimaut pinis wanem samting?

² Long wanem, sapos Ebraham i bin kamap stretpela long ol wok, em i gat rot bilong glori long en, tasol em i no inap long ai bilong God.

³ Long wanem, rait bilong God i tok wanem? Ebraham i bilipim God, na God i kaunim dispela long em long stretpela pasin.

⁴ Nau long em husat i wokim wok God i no kaunim dispela pe bilong marimari, tasol bilong dinau.

⁵ Tasol long em husat i no wokim wok, tasol em i bilip long em husat i mekim ol man nogut i kamap stretpela, bilip tru bilong em God i kaunim bilong stretpela pasin.

⁶ Yes, olsem Davit tu i kolim blesing bilong dispela man, long husat God i makim stretpela pasin ausait long ol wok bilong lo,

⁷ I spik, Blesing i stap long ol husat God i lusim ol sin nogut bilong ol, na husat ol sin bilong ol God i karamapim.

⁸ Blesing i stap long man husat Bikpela bai i no inap makim sin long em.

⁹ ¶ Ating dispela blesing i kam nau long ol man bilong katim skin tasol, o long ol man i no katim skin tu? Long wanem, yumi tok long bilip tru God i kaunim long Ebraham bilong stretpela pasin.

¹⁰ Nau em i kaunim olsem wanem? Taim em i katim skin, o taim em i no katim skin? I no taim em i katim skin, tasol taim em i no katim skin.

¹¹ Na em i kisim mak bilong katim skin, wanpela mak bilong dispela stretpela pasin bilong bilip tru em i gat taim em i no katim skin yet, inap long em i ken stap tumbuna papa bilong ol olgeta husat i bilip, maski ol i no katim skin, inap long God i ken makim stretpela pasin i go long ol tu,

¹² Na tumbuna papa bilong katim skin long ol husat i no bilong ol man bilong katim skin tasol, tasol husat tu i wokabaut long ol step bilong bilip tru bilong tumbuna papa bilong yumi Ebraham, dispela em i gat taim em i no katim skin yet.

¹³ Long wanem, dispela promis, long em i ken stap pikinini i kisim dispela graun long papa, i no go long Ebraham, o long tumbuna pikinini bilong em, long wok bilong lo, tasol long wok bilong stretpela pasin bilong bilip tru.

¹⁴ Long wanem, sapos ol husat i bilong lo i stap ol pikinini i kisim samting long papa, orait dispela i mekim bilip tru i stap nating olgeta, na em i mekim promis God i wokim olsem i no gat pawa.

¹⁵ Bilong wanem, lo i wokim belhat tru. Long wanem, we i no gat lo, i no gat pasin bilong kalapim lo.

¹⁶ Olsem na em i bilong bilip tru, inap long em i ken stap long marimari, long dispela as, promis i ken stap tru olgeta long olgeta tumbuna pikinini. I no long ol tasol husat i bilong lo, tasol long ol tu husat i bilong bilip tru bilong Ebraham, husat i tumbuna papa bilong yumi olgeta,

¹⁷ ¶ (Olsem rait i stap pinis, Mi bin mekim yu wanpela tumbuna papa long planti kantri,) long ai bilong em husat em i bilip,yes God, husat i givim laip gen long daiman, na kolim ol dispela samting i no stap olsem ol i stap.

¹⁸ Husat taim i no gat hop em i bilip long hop, inap long em i ken kamap tumbuna papa bilong planti kantri, bilong bihainim dispela samting God i toktok, Olsem tasol tumbuna pikinini bilong yu bai stap.

¹⁹ Na taim em i no man i no gat strong long bilip tru, em i no tingim na skelim bodi bilong em yet i stap daibodi nau, taim em i klostu olsem 100 krismas, na tu yet long bel bilong Sara i dai pinis.

²⁰ Em i no gat tupela tingting long promis bilong God long wok bilong pasin bilong i no gat bilip. Tasol em i strong long bilip tru, na givim glori long God.

²¹ Na taim em i gat tingting i strong olgeta long, wanem samting em i bin promis, em i inap tu long mekim.

²² Na olsem na God i makim dispela long em bilong stretpela pasin.

²³ ¶ Nau ol i no raitim dispela bilong tingim em wanpela tasol, long God i makim dispela long em,

²⁴ Tasol bilong tingim yumi tu, long husat God bai makim dispela, sapos yumi bilip long em husat i kirapim Jisas, Bikpela bilong yumi, long dai.

²⁵ Husat God i givim bilong baim ol pasin bilong bagarapim bel bilong yumi, na kirapim gen bilong mekim yumi kamap stretpela.